ស្មាយ ការពារគ្រោះថ្នាក់អាយុជីវិតជាក្រុម

“ក្រុមហ៊ុន” មានន័យថា ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ៍ អឹសួរ៉ិន ភីអិលស៊ី។

“បណ្ណសន្យារ៉ាប់រង” មានន័យថា បណ្ណសន្យារ៉ាប់រងអាយុជីវិតដែលជាឯកសារចងភ្ជាប់កាតព្វកិច្ចតាមផ្លូវច្បាប់ ដែលចេញដោយក្រុមហ៊ុន ដោយមានកំណត់ពីខ្លឹមសារសំខាន់ និងចែងពី ខ និងលក្ខខណ្ឌលម្អិតដែលបានព្រមព្រៀងរវាងក្រុមហ៊ុន ម្ចាស់បណ្ណសន្យារ៉ាប់រង និងសមាជិកដែលត្រូវបានធានាក្នុងកិច្ចសន្យាធានារ៉ាប់រង។

“កិច្ចសន្យាធានារ៉ាប់រង” មានន័យថា កិច្ចព្រមព្រៀងជាលាយលក្ខណ៍អក្សរ ដែលធ្វើឡើងដោយក្រុមហ៊ុន ម្ចាស់បណ្ណសន្យារ៉ាប់រង និងសមាជិកដែលត្រូវបានធានា ដែលតាមរយៈនោះ ក្រុមហ៊ុនព្រមទទួលនូវហានិភ័យជាក់លាក់ណាមួយ ដោយទទួលមកវិញនូវការបង់បុព្វលាភរ៉ាប់រងពីម្ចាស់បណ្ណសន្យារ៉ាប់រង និង/ឬ សមាជិកដែលត្រូវបានធានា។ កិច្ចសន្យាធានារ៉ាប់រង រួមមានបណ្ណសន្យារ៉ាប់រង វិញ្ញាបនបត្រធានារ៉ាប់រងជាក្រុម ផលិតផលបន្ថែម ឯកសារភ្ជាប់ សេចក្តីប្រកាសបន្ថែម ឯកសារគាំទ្រវិសោធនកម្មនៃបណ្ណសន្យារ៉ាប់រង ឬសំណើសុំផ្លាស់ប្តូរដោយម្ចាស់បណ្ណសន្យារ៉ាប់រង និង/ឬសមាជិកដែលត្រូវបានធានាដែលអនុម័ត និងចុះហត្ថលេខាទទួលស្គាល់ដោយក្រុមហ៊ុន ពាក្យស្នើសុំធានារ៉ាប់រង របាយការណ៍សុខភាពពីវេជ្ជបណ្ឌិត និងសេចក្តីប្រកាសអំពីសុខភាព ឯកសារទាំងនេះត្រូវចាត់ទុកថា ជាកិច្ចសន្យាធានារ៉ាប់រងរវាងម្ចាស់បណ្ណសន្យារ៉ាប់រង សមាជិកដែលត្រូវបានធានា និងក្រុមហ៊ុន។

“តារាងបណ្ណសន្យារ៉ាប់រង” មានន័យថា តារាងដែលបានបង្ហាញពីសេចក្តីលម្អិតនៃបណ្ណសន្យារ៉ាប់រងដែលចេញដោយក្រុមហ៊ុន ដើម្បីអមជាមួយបណ្ណសន្យារ៉ាប់រងនេះ ហើយនឹងត្រូវបានចាត់ទុកជាផ្នែកមួយនៃកិច្ចសន្យាធានារ៉ាប់រងនេះ។

“កាលបរិច្ឆេទបណ្ណសន្យារ៉ាប់រងមានសុពលភាព” មានន័យថាកាលបរិច្ឆេទដែលកិច្ចសន្យាធានារ៉ាប់រងចាប់ផ្តើមអនុវត្ត។

“ខួបនៃបណ្ណសន្យារ៉ាប់រង” មានន័យថា រយៈពេល ១ (មួយ)ឆ្នាំ ដែលចាប់ផ្តើមពីកាលបរិច្ឆេទបណ្ណសន្យារ៉ាប់រងមានសុពលភាព ឬកាលបរិច្ឆេទផ្សេងទៀតដែលបានបញ្ជាក់ក្នុងតារាងបណ្ណសន្យារ៉ាប់រង។

“ឆ្នាំនៃបណ្ណសន្យារ៉ាប់រង” មានន័យថា អំឡុងពេលនីមួយៗក្នុងរយៈពេល ១ (មួយ)ឆ្នាំ ដែលចាប់ផ្តើមពីកាលបរិច្ឆេទបណ្ណសន្យារ៉ាប់រងមានសុពលភាព ឬ ខួបនៃបណ្ណសន្យារ៉ាប់រងបន្តបន្ទាប់។

“សមាជិក” មានន័យថា បុគ្គលដែលត្រូវបានកំណត់ក្នុងតារាងបណ្ណសន្យារ៉ាប់រងដែលបានភ្ជាប់មកជាមួយនេះ។

“សមាជិកដែលមានសិទ្ធិ” មានន័យថា សមាជិកដែលមានសិទ្ធិ ចូលរួមក្នុងគម្រោងធានារ៉ាប់រង ក្រោមបណ្ណសន្យារ៉ាប់រងនេះ បន្ទាប់ពីបានបញ្ចប់រយៈពេលរង់ចាំ (ប្រសិនបើមាន) ដែលបានកំណត់ ហើយមានគុណវុឌ្ឍិគ្រប់គ្រាន់ដែលបានកំណត់ក្នុងតារាងបណ្ណសន្យារ៉ាប់រងដែលបានភ្ជាប់មកជាមួយនេះ។

“សមាជិកដែលត្រូវបានធានា” មានន័យថា សមាជិកដែលមានសិទ្ធិ ដែលចូលរួមក្នុងគម្រោងធានារ៉ាប់រងក្រោមបណ្ណសន្យារ៉ាប់រងនេះដោយអនុលោមតាម ខ ដែលបានចែងក្នុងផ្នែកទី ៣ ការចូលរួម។

“កាលបរិច្ឆេទនៃការចូលរួម” មានន័យថា កាលបរិច្ឆេទដែលសមាជិកដែលមានសិទ្ធិ ក្លាយជាសមាជិកដែលត្រូវបានធានានៅក្រោមបណ្ណសន្យារ៉ាប់រងនេះ។

“បាត់បង់សមត្ថភាពមើលឃើញ” មានន័យថា បាត់បង់ភ្នែក ឬពិការភ្នែកទាំងស្រុងដែលមិនអាចព្យាបាលបាន។

“បាត់បង់អវយវៈ” មានន័យថា បាត់បង់អវយវៈពីកដៃ ឬកជើង រាប់បញ្ចូលទាំងការបាត់បង់ទាំងស្រុងនូវសមត្ថភាពនៃអវយវៈនោះ ដោយមានការបញ្ជាក់តាមបែបវេជ្ជសាស្រ្តថា មិនអាចជាសះស្បើយបាន។

“គ្រោះថ្នាក់” មានន័យថា ជាព្រឹត្តិការណ៍ដែលកើតឡើងភ្លាមៗដោយកត្តាខាងក្រៅ ហើយដែលលទ្ធផលនោះមិនមែនកើតឡើងដោយចេតនា ឬការតាំងចិត្តរបស់សមាជិកដែលត្រូវបានធានា។

“ពិការភាពទាំងស្រុង និងជាអចិន្ត្រៃយ៍” មានន័យថា សមាជិកដែលត្រូវបានធានាទទួលរងការបាត់បង់ទាំងស្រុង ឬពិការភាពជអចិន្ដ្រៃយ៍ និងមិនអាចជាសះស្បើយជារៀងរហូតនូវ៖

- ដៃទាំងពីរ ឬ
- ជើងទាំងពីរ ឬ
- ដៃម្ខាង និងជើងម្ខាង ឬ
- ភ្នែកទាំងពីរ ឬ
- ភ្នែកម្ខាង និងដៃម្ខាង ឬ

- ជើងម្ខាង និងភ្នែកម្ខាង។

ក្នុងនិយមន័យនេះ ការបាត់បង់ទាំងស្រុង និងមិនអាចជាសះស្បើយបានជារៀងរហូតនូវ (១) ភ្នែកម្ខាង ឬទាំងពីរ សំដៅដល់ការបាត់បង់សរីរាង្គភ្នែកទាំងពីរ ឬពិការភ្នែកទាំងស្រុង (២) ដៃម្ខាង ឬទាំងពីរ សំដៅដល់ការបាត់បង់ផ្នែកខាងលើនៃកដៃ ហើយ (៣) ជើងម្ខាង ឬទាំងពីរ សំដៅដល់ការបាត់បង់ផ្នែកខាងលើកជើង។

ក្នុងករណីមិនអាចកម្រើកបានជាអចិន្ត្រៃយ៍ ស្ថានភាពនៃពិការភាពទាំងស្រុង និងជាអចិន្ត្រៃយ៍ ត្រូវតែមានការបញ្ជាក់ច្បាស់លាស់ពីមន្ទីរពេទ្យដែលបានចុះបញ្ជីនៅថ្នាក់ខេត្ត និងថ្នាក់ខ្ពស់ជាងនេះ ក្នុងរយៈពេលមិនតិចជាង ១៨០ ថ្ងៃ និងមិនលើសពីរយៈពេល ២៧០ ថ្ងៃ ចាប់ពីពេលមានគ្រោះថ្នាក់ជាយថាហេតុ ឬគិតចាប់ពីថ្ងៃដែលស្ថានភាពពិការភាពត្រូវបានបញ្ជាក់ត្រឹមត្រូវ។

ក្នុងករណីដែលបាត់បង់ទាំងស្រុងនូវដៃម្ខាង ឬទាំងពីរ ឬជើងម្ខាង ឬទាំងពីរ ឬភ្នែកម្ខាង ឬទាំងពីរ ការបញ្ជាក់បែបនេះអាចធ្វើឡើងនៅក្នុងរយៈពេលណាមួយក៏បាន ។