កាលពីថ្ងៃទី១៤ ខែកញ្ញា ឆ្នាំ២០២៤ ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ បានរៀបចំកម្មវិធីសប្បុរសធម៌ដែលជាផ្នែកមួយនៃកិច្ចការទំនួលខុសត្រូវសង្គមរបស់ខ្លួន នៅសាលាបឋមសិក្សា មង្គលបូរី ដែលមានទីតាំងស្ថិតនៅ ភូមិ មង្គលបូរី ឃុំ សំរោងលើ ស្រុកអង្គស្នួល ខេត្តកណ្តាល ក្រោមប្រធានបទ «សុវណ្ណាភូមិ ឡាយហ្វ៍ ដើម្បីកុមារកម្ពុជា» ។
សុវណ្ណាភូមិ ឡាយហ្វ៍ បានបរិច្ចាគថវិកាចំនួន ១,០០០,០០០ រៀល (មួយលានរៀល) កុំព្យូទ័រលើតុចំនួន ២គ្រឿង ឆត្រធំ ២ សម្ភារសិក្សាដល់ប្អូនៗសិស្សានុសិស្សចំនួន ៣២៩ឈុត និង សម្ភារ ការិយាល័យចំនួនសម្រាប់លោកគ្រូ អ្នកគ្រូចំនួន ១៨នាក់។ បន្ថែមពីនេះ បុគ្គលិករបស់សុវណ្ណាភូមិ ឡាយហ្វ៍ ក៏បានចូលរួមចំណែកបរិច្ចាគថវិកាបន្ថែមចំនួន ១,០០០,០០០ រៀល (មួយលានរៀល) ដើម្បីជួយទៅដល់សាលាសម្រាប់តម្រូវការផ្សេងៗ។ កម្មវិធីនេះមានការអញ្ជើញចូលរួមពី លោកស្រី ឈន ស៊ីថាអភិបាលរងស្រុកអង្គស្នួល លោក ហ៊ុន សុន ប្រធានក្រុមប្រឹក្សាឃុំសំរោងលើ និង លោកស្រី នូ សុធារីមន្ត្រីការិយាល័យ អប់រំយុវជន និង កីឡា ស្រុកអង្គស្នូល ផងដែរ។
លោក ហឿន សំអូន ដែលជានាយកសាលា បានសម្តែងការដឹងគុណ ដោយមានប្រសាសន៍ថា «ខ្ញុំពិតជាមានសេចក្តីសោមនស្សរីករាយយ៉ាងក្រៃលែង និងសូមថ្លែងអំណរគុណចំពោះ សុវណ្ណាភូមិ ឡាយហ្វ៍ ដែលបានចូលរួមចំណែកក្នុងការជួយដូចជា សម្ភារសិក្សា និងសម្ភារការិយាល័យ ព្រមទាំងថវិកាជូនដល់សាលារៀន»។ លោកបានបញ្ជាក់ថា នេះជាលើកទីមួយដែលសាលាទទួលបានការបរិច្ចាគទាំងនេះ ហើយការបរិច្ចាគទាំងនេះនឹងធ្វើឱ្យមានការផ្លាស់ប្តូរកាន់តែប្រសើរក្នុងដំណើរការនៃការបង្រៀនរបស់លោកគ្រូអ្នកគ្រូ និងការសិក្សារបស់សិស្សានុសិស្ស។
លោក Loke Kah Meng ដែលជាអគ្គនាយកប្រតិបត្តិសុវណ្ណាភូមិ ឡាយហ្វ៍ បានមានប្រសាសន៍ថា «ការលើកកម្ពស់វិស័យអប់រំ និងអនាគតរបស់កុមារកម្ពុជា គឺពិតជាមានភាពចាំបាច់បំផុតដែលយើងត្រូវតែចូលរួមចំណែកទាំងអស់គ្នា»។ លោកបានមានប្រសាសន៍បន្ថែមទៀតថា «ការផ្តួចផ្តើម «សុវណ្ណាភូមិ ឡាយហ្វ៍ ដើម្បីកុមារកម្ពុជា» នេះ គឺធ្វើឡើងដើម្បីផ្តល់ភាពវិជ្ជមាន តាមរយៈការផ្តល់ជាជំនួយដល់កម្មវិធីផ្សេងៗដើម្បីសម្រួលដល់ជីវភាព ឬការរស់នៅដល់កុមារដែលត្រូវការជំនួយ។ យើងជឿជាក់យ៉ាងមុតមាំថា តាមរយៈការសហការគ្នានេះ យើងអាចផ្តល់ការគាំទ្រដល់យុវជនជំនាន់ក្រោយ និងចូលរួមចំណែកធ្វើឱ្យកុមារកម្ពុជាមានអនាគតត្រចះត្រចង់សម្រាប់ប្រទេសជាតិរបស់យើង»។
អំពីសុវណ្ណាភូមិ ឡាយហ្វ៍
Sovannaphum Life Assurance Plc. (SVL) is a subsidiary of Canadia Investment Holding Plc. (CIH), which has total assets exceeding USD 8.89 billion and a legacy dating back to 1991. Sovannaphum Life, a life insurance company with financial strength and trust, has been recognized as the “Fastest-Growing Life Insurance Company Cambodia” for four consecutive years – 2018, 2019, 2020, and 2021 – by the London, UK-based Global Banking and Finance Review. It was also awarded Most Innovative Life Insurance Company Cambodia 2021 by International Business Magazine, which is headquartered in the UAE.