នេះជាក្តីសោមនស្សរបស់ សុវណ្ណាភូមិ ឡាយហ្វ៍ សម្រាប់ជោគជ័យ ៣ ឆ្នាំជាប់គ្នានៃការរក្សាតំណែងជា “ក្រុមហ៊ុនធានារ៉ាប់រងអាយុជីវិតដែលរីកចម្រើនលឿនជាងគេនៅកម្ពុជា ២០១៨ ២០១៩ & ២០២០”។ ដើម្បីជាការថ្លែងអំណរគុណ ចំពោះការគាំទ្ររបស់អតិថិជនជាង ៦០,០០០នាក់ សុវណ្ណាភូមិ ឡាយហ្វ៍ បានរៀបចំកម្មវិធីសប្បុរសធម៌ “អរគុណកម្ពុជា” ដើម្បីបង្ហាញនូវការយកចិត្តទុកដាក់តាមរយៈការបរិច្ចាគគ្រឿងឧបភោគបរិភោគមួយចំនួនជូនដល់គ្រួសារដែលកំពុងជួបការខ្វះខាតជាង ៣០០ គ្រួសារ នៅខេត្តកំពង់ឆ្នាំង សៀមរាប និង រតនគិរី។
លោក Tan Jiak Hiang អគ្គនាយកប្រតិបត្តិរបស់ក្រុមហ៊ុន សុវណ្ណាភូមិ ឡាយហ្វ៍ បានមានប្រសាសន៍ថា “ខេត្តទំាង៣ ដែលកម្មវិធីសប្បុរសធម៌ “អរគុណកម្ពុជា” បានធ្វើដំណើរទៅរៀបចំនោះ គ្រាន់តែជាជំហានចាប់ផ្តើមតែប៉ុណ្ណោះ។ យើងខ្ញុំសង្ឃឹមថា ការបរិច្ចាគនេះ ពិតជាមានអត្ថន័យ និងអាចឆ្លើយតបទៅនឹងតម្រូវការរបស់បងប្អូនប្រជាពលរដ្ឋដែលកំពុងជួបការខ្វះខាត ទោះមិនបានរយៈពេលយូរ តែក៏អាចជួយសម្រួលបានមួយគ្រាដែរ។ សម្រាប់បុគ្គលិក អតិថិជន និងអ្នកស្ម័គ្រចិត្តចូលរួមទាំងអស់ នេះគឺជាឱកាសក្នុងការបង្ហាញការយកចិត្តទុកដាក់យ៉ាងពិតប្រាកដចំពោះបងប្អូននៅសហគមន៍ផងដែរ។ បន្ថែមពីលើកម្មវិធីសប្បុរសធម៌ “អរគុណកម្ពុជា” នេះ ក្រុមហ៊ុន សុវណ្ណាភូមិ ឡាយហ្វ៍ ក៏កំពុងដឹកនាំបេសកកម្ម ដើម្បីការពារសហគមន៍ពីហានិភ័យហិរញ្ញវត្ថុផងដែរ។ យើងមើលឃើញថាសេវាធានារ៉ាប់រងអាយុជីវិត គឺជាឫសគល់នៃសំណាញ់ការពារអនាគតគ្រប់ក្រុមគ្រួសារកម្ពុជា។ ដូច្នេះ យើងខ្ញុំសូមគោរពអញ្ជើញអ្នកទាំងអស់គ្នាចូលរួមជាមួយយើងខ្ញុំដើម្បីធ្វើឲ្យបេសកកម្មនេះជោគជ័យ។”
ដើម្បីចុះឈ្មោះចូលរួមជាមួយ សុវណ្ណាភូមិ ឡាយហ្វ៍ សូមទំនាក់ទំនង៖
ទូរស័ព្ទ៖ 095 966 955 / 070 966 955
អ៊ីម៉ែល៖ agency-support@sovannaphumlife.com
នាព្រឹត្តិការណ៍នោះផងដែរ លោក សុខ ស៊ុនធី អភិបាលស្តីទី ស្រុកទឹកផុស ខេត្តកំពង់ឆ្នាំង បានបញ្ចេញចំណាប់អារម្មណ៍ថា៖ «ក្នុងស្ថានភាពនេះ មានប្រជាជនជាច្រើនរងការប៉ះពាល់ដល់ជីវភាពរស់នៅ។ យើងខ្ញុំតំណាងឲ្យប្រជាពលរដ្ឋនៅទីនេះ សូមអរគុណដល់ សុវណ្ណាភូមិ ឡាយហ្វ៍ ដែលបានរៀបចំកម្មវិធីសប្បុរសធម៌ “អរគុណកម្ពុជា” នេះឡើង ដើម្បីចែកគ្រឿងឧបភោគបរិភោគដល់ប្រជាពលរដ្ឋជាង ១០០គ្រួសារ ដែលកំពុងជួបការខ្វះខាត»។
មិនតែប៉ុណ្ណោះ លោក ភន់ សុខុម អភិបាលរង ស្រុកបន្ទាយស្រី ខេត្តសៀមរាប ក៏បានលើកឡើងថា៖ «យើងខ្ញុំពិតជារីករាយក្នុងការសហការ និងស្វាគមន៍ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ដើម្បីរៀបចំកម្មវិធីសប្បុរសធម៌ “អរគុណកម្ពុជា” នេះឡើង។ កម្មវិធីនេះ ពិតជាមានអត្ថន័យដ៏ជ្រាលជ្រៅក្នុងរូបភាពជាការជួយសម្រួលបន្ទុក ក៏ដូចជាការបង្ហាញអំពីការយកចិត្តទុកដាក់ ដល់បងប្អូនដែលកំពុងជួបការខ្វះខាតក្នុងស្រុករបស់យើងខ្ញុំ»។
រីឯលោក ហេង សាវឿន អភិបាលស្រុកវើនសៃ ខេត្តរតនគិរី បានលើកឡើងថា៖ «ប្រជាជននៅស្រុកវើនសៃ មានភ័ព្វសំណាងដែលទទួលបានការជួយពីក្រុមហ៊ុន សុវណ្ណាភូមិ ឡាយហ្វ៍ ជាពិសេសពេលបងប្អូនប្រជាពលរដ្ឋរបស់យើងកំពុងរងផលប៉ះពាល់ពីកូវីដ-១៩»។
អំពីក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍៖
ចាប់តាំងពីដំណើរការនៅឆ្នាំ ២០១៥ សុវណ្ណាភូមិ ឡាយហ្វ៍ ទទួលបានការគាំទ្រ និងប្រជាប្រិយភាពយ៉ាងខ្លាំងពីសំណាក់ប្រជាជនកម្ពុជា។ កេរ្តិ៍ឈ្មោះរបស់ សុវណ្ណាភូមិ ឡាយហ្វ៍ ត្រូវបានប្រជាជនកម្ពុជាគ្រប់មជ្ឈដ្ឋានពេញចិត្ត ពីមួយឆ្នាំទៅមួយឆ្នាំ។ រហូតមកដល់ពេលនេះ មានអតិថិជនជាង ៦០.០០០នាក់ បានផ្តល់ទំនុកចិត្តមកលើ សុវណ្ណាភូមិ ឡាយហ្វ៍ ដើម្បីគ្រប់គ្រង និងផ្ទេរហានិភ័យនៃការការពារហិរញ្ញវត្ថុគ្រួសាររបស់ពួកគាត់។ កត្តាទាំងនេះ បានធ្វើឲ្យក្រុមហ៊ុនទទួលបានការគំាទ្រយ៉ាងខ្លំាង តាមរយៈការកើនឡើងនៃចំនួន បណ្ណសន្យារ៉ាប់រង ដែលបានផ្តល់ជូនអតិថិជន ក្នុងរយៈពេល ៣ ឆ្នាំចុងក្រោយនេះ៕